بلوچستان: مستونگ میں سیکیورٹی فورسز کا آپریشن 9 دہشتگرد ہلاک

کوئٹہ (ڈیلی اردو) بلوچستان کے ضلع مستونگ کے نواحی علاقے کوہ مہران میں سی ٹی ڈی اور سکیورٹی فورسز نے کارروائی کرتے ہوئے 9 دہشتگردوں کو ہلاک کر دیا۔ اس کارروائی میں 4 سکیورٹی اہلکار بھی زخمی ہوئے۔

تفصیلات کے مطابق بلوچستان کے ضلع مستونگ کے علاقے قابو کوہ مہران میں دہشت گردوں کے کیمپ پر سی ٹی ڈی اور سیکورٹی فورسز نے دہشت گردوں کی موجودگی کی اطلاع پر آپریشن کیا۔

سیکیورٹی ذرائع کے مطابق مستونگ کے علاقے قابو کوہ مہران میں سی ٹی ڈی نے خفیہ اطلاع پر چھاپا مارا جس پر وہاں موجود دہشت گردوں نے فائرنگ کردی، سی ٹی ڈی اور سیکیورٹی فورسز کی جوابی فائرنگ کے نتیجے میں 9 دہشت گرد ہلاک ہوگئے جبکہ آپریشن میں سیکورٹی فورسز کے 4 جوان بھی زخمی ہوئے زخمی سکیورٹی اہلکاروں کو طبی امداد کیلئے ہسپتال منتقل کر دیا گیا۔

ذرائع کا کہنا ہے کہ ہلاک ہونے والے دہشت گردوں کا تعلق کالعدم تنظیم لشکر جھنگوی اور عالمی دہشت گرد تنظیم داعش سے ہے، ذرائع کا کہنا ہے کہ مزید معلومات آنا باقی ہے۔

آپریشن کے دوران دہشتگردوں کے ٹھکانوں سے اسلحہ و گولہ بارود بھی برآمد ہوا۔

سی ٹی ڈی ذرائع کا کہنا ہے کہ آپریشن مکمل کر لیا گیا ہے۔ ریسکیو ٹیمیں ہلاک ہونیوالے دہشتگردوں کی لاشوں کو تحویل میں لیکر ہسپتال منتقل کر رہی ہیں۔

اپنا تبصرہ بھیجیں