120

لائن آف کنٹرول پر بھارت کی جعلی لڑائی دکھانے کی بڑی سازش بے نقاب ہوگئی

اسلام آباد (ویب ڈیسک) مقبوضہ کشمیر پر ظلم و بربریت سے توجہ ہٹانے کی ایک اور بھارتی سازش بے نقاب ہوگئی ہے۔ بھارتی فوج نے ایل او سی پر جعلی لڑائی دکھانے کی تیاری کرلی۔

مقبوضہ کشمیر میں ظلم و بربریت سے توجہ ہٹانے کی بھارتی سازش بے نقاب ہوگئی ہے جس کے مطابق بھارتی فورسز نے اپنے زیر تسلط علاقے میں خود ساختہ جھڑپ کی منصوبہ بندی کرلی ہے۔

بھارتی فوج نے ایل او سی اور ایل اے سی پر جعلی لڑائی دکھانے کی تیاری کی ہے جس کے مطابق بھارتی زیر تسلط علاقے میں چیک پوسٹ بنا کر پاکستانی جھنڈا لہرا دیا گیا ہے۔

ذرائع کے مطابق بھارت نے پاکستان پر سیز فائر معاہدے کی خلاف ورزی کا الزام لگانے کیلئے سازش تیارکی ہے۔ اس جعلسازی کے ذریعے بتایا جائے گا کہ بھارت نے جوابی کارروائی کی اور مودی سرکار بھارتی میڈیا کے ذریعے ڈرامہ سچا ثابت کرنے کی کوشش کرے گی۔

اس خبر پر اپنی رائے کا اظہار کریں

اپنا تبصرہ بھیجیں