65

ڈیرہ اسماعیل خان: دو موٹر سائیکلوں کے درمیان تصادم، 2 بچوں سمیت 5 افراد جاں بحق، 2 زخمی

ڈی آئی خان (توقیر حسین زیدی) ڈیرہ اسماعیل خان میں دو موٹر سائیکلوں کے درمیان تصادم ہوا ہے جس کے نتیجے میں دو بچوں سمیت پانچ افراد جاں بحق جبکہ دو خواتین شدید زخمی ہوگئیں۔

تفصیلات کے مطابق ڈیرہ اسماعیل خان میں ڈیرہ ڈیال روڈ آصف آباد کے قریب افسوسناک حادثہ پیش آیا ہے جہاں دو موٹر سائیکلیں آپس میں ٹکرا گئی ہیں ۔ حادثے میں بیس سالہ دونوجوان، تین سالہ بچی اور دو سالہ بچے سمیت پانچ افراد جاں بحق جبکہ دو خواتین شدید زخمی ہوگئی ہیں۔

حادثے کی اطلاع ملنے پر ریسکیو ٹیم اور پولیس فوری طور پر موقع پر پہنچ گئے اور امدادی کاروائی شروع کرکے لاشوں اور زخمیوں کو اسپتال منتقل کیاگ۔جہاں پوسٹمارٹم کے بعد لاشیں لواحقین کے سپرد کردی گئیں۔

ریسکیو ذرائع کا کہنا ہے کہ موٹرسائیکل پر سوار محمد عابد اور اس کی تین سالہ بھانجی جبکہ دوسرے موٹرسائیکل پر سوار نوجوان محمد زبیر اور دو سالہ محمد ہارون جاں بحق جبکہ موٹرسائیکلوں پر سوار دونوں خواتین تسلیم بی بی اور ناہید بی بی شدید زخمی ہوگئیں۔

اس خبر پر اپنی رائے کا اظہار کریں

اپنا تبصرہ بھیجیں