113

لبنان: شہری نے شکار کی بندوق سے اسرائیلی ڈرون مار گرایا

بیروت (ڈیلی اردو/نیوز ایجنسی) لبنان میں ایک عام شہری نے شکار کے لیے استعمال ہونیوالی بندوق کی فائر سے اسرائیل کا ڈرون طیارہ مار گرایا۔

غیرملکی خبر رساں ادارے کے مطابق علی الصبح ایک شہری نے جنوبی لبنان کے علاقے کفر کلا میں دشمن کے ایک ڈرون کو دیکھتے ہی اس پر فائرنگ کی جس کے نتیجے میں ڈرون زمین پر آ گرا۔ یہ واقعہ کفر کلا میں فاطمہ گیٹ کے مقام پر پیش آیا۔

ادھر اسرائیلی فوج کے ترجمان نے کہا ہے کہ معمول کی پرواز کے دوران ایک ڈرون طیارہ لبنان کی سرحد کے اندر جا گرا۔ اسرائیلی فوج کی طرف سے اس طیارے کی مزید تفصیلات نہیں بتائی گئیں۔

اس خبر پر اپنی رائے کا اظہار کریں

اپنا تبصرہ بھیجیں