مسافروں کا سامان چوری کرنیوالے والے پی آئی اے کے 5 ملازمین گرفتار، زیورات، نقدی اور دیگر سامان برآمد

کراچی (ڈیلی اردو) قومی ایئرلائن پی آئی اے کے مسافروں کی جانب سے بک کرائے گئےسامان کو چوری کرنے والے 5 ملازمین کو گرفتار کرلیا گیا۔

میڈیا رپورٹس کے مطابق شہری میاں مصطفیٰ کمال نے پی آئی اے کی پرواز سے بک کروائے گئے بیگز کو توڑ کر قیمتی سامان چوری ہونے کی شکایت ائیر پورٹ پولیس اسٹیشن اور پی آئی اے حکام کو درج کروائی تھی جس میں موقف اپنایا تھا کہ ان کی اہلیہ قرۃ العین 30 اکتوبر کو کراچی سے پی آئی اے کی فلائٹ پی کے 356 سے پشاور گئی تھیں، پشاور پہنچ کر جب اہلیہ نے بیلٹ سے سامان لیا تو سوٹ کیس ٹوٹا ہوا تھا اور اس میں سے زیورات اور دیگر چیزیں غائب تھیں۔

ائیر پورٹ پولیس نے شکایت پر کارروائی کرتے ہوئے پی آئی اے کے 5 ملازمین کوگرفتار کرلیا اور ان کے قبضے سے چوری کیے گئے زیورات، نقدی اور دیگر سامان بھی برآمد کر لیا گیا ہے۔ ملزمان کی شناخت شاہد مسلم، طفیل، مشرف، پرویز اور تنویر کے نام سے ہوئی ہے۔

اپنا تبصرہ بھیجیں