پنجاب میں اسموگ کا راج: تمام نجی و سرکاری سکول 2 روز کیلئے بند

لاہور (ڈیلی اردو) پنجاب حکومت نے بڑھتے اسموگ کے پیش نظر آئندہ 2 روز کے لئے تمام سرکاری و نجی سکولوں کو بند کرنے کا اعلان کر دیا۔

محکمہ تعلیم پنجاب کی جانب سے جاری کردہ نوٹیفکیشن کے مطابق لاہور، گوجرانوالہ اور فیصل آباد میں 15 اور 16 نومبر کو اسکول بند رہیں گے، 18 نومبر بروز پیر سے تعلیمی ادارے دوبارہ کھلیں گے۔

محکمہ تعلیم کے مطابق آئندہ چند روز میں اسموگ بڑھنے کا خدشہ ہے، اسکول بند رکھنے کا فیصلہ بھی بچوں کی صحت کے پیش نظر کیا گیا ہے۔

صوبائی وزیر تعلیم کا کہنا ہے کہ لاہور میں سموگ کی لہر کو مسلسل مانیٹر کر رہے ہیں اور محکمہ ایجوکیشن کا کہنا ہے کہ سکول بند نہ کرنے والوں کے خلاف کارروائی ہوگی۔

اپنا تبصرہ بھیجیں