ترک صدر مجھے ہٹلر کہتے ہیں لیکن اسرائیل سے تجارت بھی مضبوط بنا رہے ہیں، نیتن یاہو

یروشلم (ڈیلی اردو/نیوز ایجنسی) اسرائیلی وزیراعظم نیتن یاہو کا کہنا ہے کہ ترک صدر رجب طیب ایردوآن میرا مذاق بناتے ہوئے مجھے ہٹلر کہتے ہیں لیکن حیرت کی بات یہ ہے کہ وہ اسرائیلی سے تجارتی تعلقات کو مضبوط سے مضبوط بنارہے ہیں۔

اسرائیلی اخبار یروشلم پوسٹ کے مطابق اسرائیلی وزیراعظم نیتن یاہو نے بدھ کے روز لیکوڈ پارٹی کے ارکان سے ملاقات کے دوران اپنے حوالے سے ترک صدر رجب طیب ایردوآن کے اعلانیہ مواقف پر ردعمل دیتے ہوئے کہا ہے کہ “صدر ایردوآن کی عادت بن گئی کہ وہ ہر 3 گھنٹوں میں مجھے ایک بار ہٹلر ضرور قرار دیتے ہیں لیکن حیرت کی بات یہ ہے کہ ان سب باتوں کے باوجود وہ اسرائیل کے ساتھ تجارتی تعلقات کو مضبوط سے مضبوط بنارہےہیں (ترکی اور اسرائیل کے درمیان) تجارت سرگرم ہے۔

واضح رہے کہ ترکی کے صدر رجب طیب ایردوآن نے امریکی صدر ڈونلڈ ٹرمپ کی جانب سے اعلان کردہ اسرائیلی فلسطینی امن منصوبے پر سخت تنقید کرتے ہوئے کہا تھا کہ “یہ منصوبہ ہر گز امن کے کام نہ آئے گا اور نہ کوئی حل ساتھ لائے گا” بنیادی طور پر یہ”فلسطینیوں کے حقوق کو نظر انداز کرنے اور اسرائیلی قبضے کو قانونی حیثیت دینے کا منصوبہ ہے”۔

اپنا تبصرہ بھیجیں