پشاور میں سی این جی اسٹیشن پر دستی بم سے حملہ، 2 افراد زخمی

پشاور (نیوز ڈیسک) صوبائی دارالحکومت پشاور میں سی این جی فلنگ اسٹیشن پر دستی بم حملے میں 2 افراد زخمی اور اسٹیشن کو جزوی نقصان پہنچا ہے۔

پولیس کے مطابق کوہاٹ روڈ پر باڑہ پُل کے قریب نامعلوم افراد نے ‘باز سی این جی اسٹیشن’ پر دستی بم پھینکا جو کمپریسر روم سے کچھ فاصلے پر گِر کر زوردار دھماکہ سے پھٹ گیا۔

پولیس نے بتایا کہ دھماکہ کے نتیجہ میں اسٹیشن میں موجود 2 افراد صدام اور حفیظ زخمی ہوگئے جنہیں ریسکیو 1122 کی امدادی ٹیموں نے طبی امداد کےلئے لیڈی ریڈنگ ہسپتال منتقل کردیا ہے۔

پولیس کے مطابق دھماکہ کے باعث اسٹیشن کی عمارت اور وہاں موجود ایک گاڑی کو بھی جزوی نقصان پہنچا ہے جبکہ جائے وقوعہ سے شواہد اکٹھے کرکے نامعلوم افراد کے خلاف مقدمہ درج کرلیا گیا ہے۔

اس خبر پر اپنی رائے کا اظہار کریں

اپنا تبصرہ بھیجیں