پاک بھارت کشیدگی: پاکستانی فضائی حدود کی بندش میں 28 جون تک توسیع

اسلام آباد (ڈیلی اردو) سول ایوی ایشن اتھارٹی نے پاکستانی فضائی حدود میں اوور فلائی کی بندش میں 28 جون تک توسیع کردی ہے، اوور فلائی کی بندش کے بعد بھارتی طیارے پاکستانی فضائی حدود استعمال نہیں کرسکیں گے۔

ترجمان سول ایوی ایشن اتھارٹی کے مطابق پاکستانی فضائی حدود میں ٹرانزٹ اور اوور فلائی نئے حکم نامے تک بند رہے گی جبکہ پاکستانی فضائی حدود میں ایسٹرن ایئرسائیڈ بند اور ویسٹرن فضائی حدود میں آپریشن جاری ہے۔

سول ایوی ایشن اتھارٹی نے فضائی حدود کی بندش میں توسیع کا نوٹم جاری کردیا ہے، جس کے مطابق پاکستانی فضائی حدود میں ٹرانزٹ اور اوور فلائی پر پندرہ جون تک پابندی میں مزید چودہ روز کی توسیع کی گئی ہے۔

اوور فلائی کی بندش کے بعد بھارتی طیارے پاکستانی فضائی حدود استعمال نہیں کر سکیں گے، اوور فلائی کی بندش کے بعد لاہور سے دہلی،بنکاک، کوالالمپور، سری لنکا، ارمچی کی پروازیں منسوخ رہیں گی۔

پاک بھارت کشیدگی کے باعث پاکستان کی ایسٹرن فضائی حدود پہلے ہی ستائیس فروری سے بند ہے۔

اس خبر پر اپنی رائے کا اظہار کریں

اپنا تبصرہ بھیجیں