پاکستان کیلئے سب سے بڑا خطرہ فتویٰ باز مولوی ہیں: فواد چوہدری

اسلام آباد (نیوز ڈیسک) وفاقی وزیر سائنس اینڈ ٹیکنالوجی فواد چوہدری نے کہا ہے کہ پاکستان کیلئے سب سے بڑا خطرہ فتویٰ باز مولوی ہیں۔

تفصیلات کے مطابق وفاقی وزیر سائنس اینڈ ٹیکنالوجی فواد چوہدری نے اپنے ٹوئٹر پیغام میں کہا ہے کہ پاکستان کیلئے سب سے بڑا خطرہ فتویٰ باز مولوی ہیں۔ تمام طبقہ فکر کو اس رویے کے خلاف جہاد کرنا چاہیے۔ فواد چوہدری کا کہنا تھا کہ ہمارے پچہتر فیصد مسائل کی وجہ علمائے سُو ہیں۔ بلاول بھٹو اس اسٹینڈ پر تعریف کے مستحق ہیں۔

واضح رہے کہ اسلام آباد میں اپوزیشن کی آل پارٹیز کانفرنس کے اعلامیے میں بلاول بھٹو زرداری نے وزیر اعظم عمران خان کے حوالے سے صحابہ کی توہین کا ذکر شامل کرنے کی تجویز پر مخالفت کرتے ہوئے واضح کیا تھا کسی کے بھی خلاف مذہب کو استعمال نہیں ہونے دوں گا۔

اپنا تبصرہ بھیجیں