متحدہ عرب امارات کے وزیر اعظم شیخ محمد بن راشد ال مکتوم کی بیوی 31 ملین پاونڈ لے کر فرار

لندن (ڈیلی اردو) متحدہ عرب امارات کے وزیر اعظم شیخ محمد بن راشد ال مکتوم کی بیوی حیا بنت الحسین 31 ملین پاونڈ لے کر بچوں سمیت لندن فرار ہو گئی ہے، میڈیا رپورٹس کے مطابق دبئی کے ارب پتی حکمراں شیخ محمد بن راشد ال مکتوم کی چھٹی بیوی حیا بنت الحسین ”  شہزادی ہیا ” کروڑوں روپے اور دونوں بچوں کو لے کر متحدہ عرب امارات سے لاپتہ ہوگئی ہیں۔

تفصیلات کے مطابق دبئی کے ارب پتی حکمراں شیخ محمد بن راشد ال مکتوم کی چھٹی بیوی حیا بنت الحسین ”  شہزادی ہیا ” کروڑوں روپے اور دونوں بچوں کو لے کر متحدہ عرب امارات سے بھاگ گئی ہیں۔ میڈیا رپورٹس کے مطابق ”  شہزادی ہیا ” کچھ دن پہلے اپنی 11 سالہ بیٹی اور 7 سالہ بیٹے کے ہمراہ جرمنی فرار ہوگئی ہیں۔ حیا بنت الحسین تقریبا 31 ملین پاونڈ کی رقم بھی ساتھ لے جانے میں کامیاب ہو گئی ہے۔

غیر ملکی میڈیا رپورٹس کے مطابق متحدہ عرب امارات کے وزیر اعظم اور دبئی کے حکمراں شیخ محمد بن راشد ال مکتوم کی چھٹی بیگم سے تعلقات ٹھیک نہیں چل رہے تھے۔ ابتدائی اطلاعات کے مطابق حیا بنت الحسین لندن فرار ہو گئی ہے۔

کچھ رپورٹس کے مطابق اردن کے بادشاہ عبد اللہ کی سوتیلی بہن حیا بنت الحسین اب اپنے شوہر شیخ محمد بن راشد ال مکتوم سے طلاق لینا چاہتی ہیں۔ ذرائع کے مطابق دبئی سے نکل کر حیا بنت الحسین جرمنی میں رہائش پذیر ہونا چاہتی ہیں۔ انہوں نے جرمنی کی حکومت سے اپنے بچوں کے ساتھ رہنے کیلئے سیاسی پناہ بھی مانگی ہے۔

کئی رپورٹس میں دعوی کیا جارہا ہے کہ نئی زندگی شروع کرنے کیلئے حیا اپنے ساتھ کافی پیسہ لے کر فرار ہو گئی ہیں۔ تاکہ انہیں پیسوں کیلئے جدو جہد نہ کرنی پڑے۔

میڈیا رپورٹس میں بتایا جارہا ہے کہ مغربی ممالک سے حیا بنت الحسین کافی قریب ہیں، کیونکہ انہوں نے انگلینڈ کی ہی آکسفورڈ یونیورسٹی سے تعلیم حاصل کی تھی۔ اس کے بعد سے وہ سماجی کاموں میں مصروف ہوگئی تھیں۔ تاہم فروری سے انہیں کسی عوامی پروگرام یا پھر سوشل میڈیا پر بھی نہیں دیکھا گیا۔

اپنا تبصرہ بھیجیں