ریاض + صنعاء (ڈیلی اردو) سعودی عرب کے محکمہ دفاع کے حکام نے یمن سرحد کے ساتھ جنوب مغربی علاقے خمیس مشیط کی فضاء میں یمن کے حوثی باغیوں کی طرف سے بھیجے گئے 2 ڈرون طیارے مار گرائے۔
تفصیلات کے مطابق سعودی عرب کے اتحادی محکمہ دفاع کے حکام نے یمن کی سرحد سے متصل علاقے خمیس مشیط میں یمنی حوثیوں کے دو مسلح ڈرون طیارے مار گرائے تاہم اس کارروائی کے نتیجے میں کسی قسم کے جانی نقصان کی کوئی اطلاع نہیں ملی۔
عرب اتحادی فوج کے ترجمان کرنل ترکی المالکی کا کہنا ہے کہ یمن کے حوثی باغیوں کی طرف سے ڈرون طیاروں کی مدد سے گزشتہ روز درمیانی شب خمیس مشیط میں شہری آبادی کو نشانہ بنانے کی کوشش کی گئی تھی تاہم، حوثیوں کے یہ دونوں ڈرون طیارے فضا ہی میں تباہ کر دیے گئے۔
تباہ ہونے والے ایک طیارے کے ٹکڑے شہری آبادی پر گرے جس کے نتیجے میں متعدد مکانات اور گاڑیوں کو نقصان پہنچا تاہم کوئی جانی نقصان نہیں ہوا ہے۔
#المسيرة_عاجل | متحدث #القوات_المسلحة: #سلاح_الجو_المسير يعاود عملياته الهجومية بعمليتين هجوميتين بعدد من طائرات #قاصف2K استهدفت #قاعدة_الملك_خالد_الجوية بـ #خميس_مشيط بـ #عسير
— المسيرة – عاجل (@MasirahTV) July 16, 2019
دوسری جانب حوثی باغیوں نے اپنے ٹی وی چینل المسیرہ کے ذریعے دعویٰ کیا ہے کہ انہوں نے خمیس مشیط کے قریب شاہ خالد ائیر بیس کو کامیابی سے نشانہ بنایا ہے۔
