اسلام آباد (ڈیلی اردو) ترجمان دفتر خارجہ ڈاکٹر محمد فیصل نے اپنی ٹویٹ میں بتایا ہے کہ عراق کے صدر ڈاکٹر برہم صالح جلد پاکستان کا دورہ کریں گے۔
انہوں نے اپنی ٹویٹ میں بتایا کہ صدر ڈاکٹر عارف علوی نے اپنے عراقی ہم منصب کو دورے کی دعوت دی ہے۔ عراق میں پاکستانی سفیر ساجد بلال نے عراقی صدر سے ملاقات کی اور انھیں باضابطہ دعوت نامہ پہنچایا۔
Our Ambassador to Iraq, Sajid Bilal, delivered an invitation letter from the President to Dr. Barham Salih, President of Iraq, who promised to visit Pakistan at first available opportunity. Ways and means to strengthen bilateral relations also discussed @Iraqimofa pic.twitter.com/wOPNTL60ut
— Ministry of Foreign Affairs – Pakistan (@ForeignOfficePk) July 28, 2019
ترجمان دفتر خارجہ کے مطابق عراقی صدر نے جلد دورہ پاکستان کی حامی بھر لی ہے۔ برہم صالح نے صدر پاکستان کے نام تہنیتی پیغام دیا اور دعوت پر اظہار تشکر کیا۔
عراقی صدر نے پاکستانی سفیر کیساتھ دو طرفہ تعلقات مضبوط بنانے پر تبادلہ خیال کیا اور بین الاقوامی امور میں پاکستان کے کلیدی کردار کو سراہا۔
