اسلام آباد (ڈیلی اردو) معاون خصوصی اطلاعات و نشریات ڈاکٹر فردوس عاشق اعوان نے اپنے ویڈیو پیغام میں کہاہے کہ وادی نیلم میں بھارت نے ریاستی دہشتگردی کا مظاہرہ کیا۔ معصوم بچوں ،خواتین پر کلسٹر بموں سے حملے کرکے عالمی قوانین کی کھلی خلاف ورزی کی گئی۔
معاون خصوصی اطلاعات و نشریات ڈاکٹر فردوس عاشق اعوان کا اپنے پیغام میں کہناتھاکہ پاکستانی قوم بھارتی جارحیت کی بھرپور مذمت کرتی ہے،انتہا پسند جماعت آر ایس ایس بھارت میں اقلیتوں پر زمین تنگ کیے ہوئے ہے، بھارت کلسٹر بموں کے ذریعے تحریک کشمیر کو نہیں کچل سکتا،بھارت مقبوضہ وادی میں میڈیا اور انسانی حقوق تنظیموں کو نہیں جانے دے رہا۔
وادی نیلم میں بھارت نے ریاستی دہشتگردی کا مظاہرہ کیا. معصوم بچوں ،خواتین پر کلسٹر بموں سے حملے کرکے عالمی قوانین کی کھلی خلاف ورزی کی گئی. پاکستانی قوم بھارتی جارحیت کی بھرپور مذمت کرتی ہے.
معاون خصوصی اطلاعات و نشریات ڈاکٹر فردوس عاشق اعوان.#IndiaUsingClusterBombs pic.twitter.com/rV3Xr8KhdC— Government of Pakistan (@GovtofPakistan) August 3, 2019
فردوس عاشق اعوان نے کہاکہ بھارت کشمیری عوام کے دلوں میں اپنا مقدمہ ہار چکا ہے۔ کشمیریوں کو حق خود ارادیت دلوانا موجودہ حکومت کا عزم ہے، کشمیریوں کے زخم پرانشاء اللہ مرہم رکھیں گے۔ انہوں نے کہاکہ پاکستانی قوم اپنی مسلح افواج کیساتھ سیسہ پلائی دیوار کی طرح کھڑی ہے۔ وزیراعظم عمران خان کا وژن ہے کہ خطے میں امن مذاکرات سے ہی ممکن ہے۔
ڈاکٹر فردوس عاشق اعوان کا مزید کہنا تھا کہ وزیراعظم کا صدر ٹرمپ کو ثالثی پر آمادہ کرنا کشمیریوں کے بیانیے کی جیت ہے۔ پاکستانی قوم کا کشمیر پر دو ٹوک موقف ہے، جس کی ترجمانی وزیراعظم بھی کرچکے ہیں۔
