کلسٹر بم اور مقبوضہ کشمیر میں بھارتی جارحیت، او آئی سی کا اظہارِ تشویش

جدہ (ڈیلی اردو) اسلامی کانفرنس تنظیم (او آئی سی) نے بھارت کی جانب سے شہری آبادیوں پر کلسٹر بم کے استعمال پر تشویش کا اظہار کیا ہے۔

اوآئی سی نے ایک بیان میں کہا کہ بھارت کی جانب سے سیز فائر کی خلاف ورزی سے ہوئے جانی نقصان پر افسوس ہے۔

او آئی سی نے لائن آف کنٹرول (ایل او سی) پر بھارت کی سویلین آباد ی پر کلسٹر بم کے استعمال، مقبوضہ کشمیر کی بگڑتی صورتحال اور بھارتی فوج کی اضافی نفری پر تشویش کا اظہار کیا۔

او آئی سی نے اپنے بیان میں عالمی برادری پر زور دیا کہ مسئلہ کشمیر کے پرامن حل کےلئے اپنی ذمہ داریاں پوری کرے اور مسئلہ اقوام متحدہ کی قرار دادوں کے مطابق حل کیا جائے۔

اس خبر پر اپنی رائے کا اظہار کریں

اپنا تبصرہ بھیجیں