تہران (ڈیلی اردو/نیوز ایجنسی) پڑوسی ملک ایران کا ایک لڑاکا طیارہ فنی خرابی کی بنا پر جنوبی صوبے بوشہر میں گر کر تباہ ہوگیا ہے۔
ایران کی نیم سرکاری خبررساں ایجنسی تسنیم کے مطابق اس لڑاکا جیٹ میں سوار دونوں افراد محفوظ رہے ہیں۔
نیوز ایجنسی نے بوشہر میں واقع علاقے تنگستان کے گورنر عبدالحسین رفیع پور کے حوالے سے بتایا ہے کہ ’’ لڑاکا جیٹ میں فنی خرابی پیدا ہوگئی تھی جس کی وجہ سے وہ حادثے کا شکار ہوگیا۔ اس کا پائیلٹ اور معاون پائیلٹ دونوں حادثے میں محفوظ رہے ہیں‘‘۔
