196

امریکا اور روس کو بتا دیا مشرقی شام میں فوجی آپریشن کریں گے: ترک صدر اردوان

انقرہ (ڈیلی اردو/نیوز ایجنسی) ترکی کے صدر رجب طیب اردوان نے کہا ہے کہ روس اور امریکا پر واضح کردیا ہے کہ ترک فوج شمالی شام میں دریائے فرات کے مشرقی کنارے میں کرد عسکریت پسند گروپ’پیپلز پروٹیکشن یونٹس’ کے خلاف فوجی آپریشن کا ارادہ کا رکھتا ہے۔

غیر ملکی خبررساں ادارے کے مطابق ایک بیان میں ترک صدر اردوان نے کہا کہ ہمارے پاس اب دریائے فرات کے مشرقی کنارے میں فوجی آپریشن کے سوا کوئی چارہ نہیں بچا۔

ہم نے اس حوالے سے امریکا اور روس کو بھی بتا دیا ہے۔

خیال رہے کہ گذشتہ برس امریکی صدر ڈونلڈ ٹرمپ نے شمالی شام سیاپنی فوج نکالنے کا اعلان کیا تھا۔ اس وقت نیٹو کے دونوں رکن ملکوں نے ترکی کی شمال مشرقی سرحد سے متصل شامی علاقوں میں سیف زون کی قیام کی کوششوں پر اتفاق کیا گیا تھا۔

شام میں کرد پروٹیکشن یونٹس کو امریکا کی حمایت حاصل ہے جبکہ ترکی اسے دہشت گرد تنظیم قرار دیتا ہے۔

اس خبر پر اپنی رائے کا اظہار کریں

اپنا تبصرہ بھیجیں