بھارت: آسام میں بھارتی ایئر فورس کا جدید ترین طیارہ گر کر تباہ

آسام + نئی دہلی (ڈیلی اردو/نیوز ایجنسی) بھارت کے ریاست آسام میں انڈین ائیرفورس کا جدید ترین طیارہ گر کر تباہ ہوگیا۔ طیارے میں موجود دونوں پائلٹ شدید زخمی ہوگئے۔

تفصیلات کے مطابق بھارتی ریاست آسام میں تیج پور کے قریب بھارتی فضائیہ کا سخوئی تھرٹی گر کر تباہ ہوگیا۔

بھارتی میڈیا کے مطابق طیارہ تربیتی پرواز پر تھا۔ گرتے ہی طیارے میں آگ لگ گئی اور مکمل طور پر جل کر تباہ ہوگیا۔ طیارے میں موجود دونوں پائلٹ شدید زخمی ہوگئے جن کو ہسپتال منتقل کر دیا گیا ہے۔ حکام نے واقعہ کی انکوائری کا حکم دیدیا ہے۔

واضح رہے کہ بھارتی فضائیہ کے طیارے اکثر و بیشتر حادثات کا شکار ہوتے رہتے ہیں جس کی وجہ سے بھارتی پائلٹ ان کو موت کے تابوت بھی قرار دیتے ہیں۔

اپنا تبصرہ بھیجیں