غزہ (ڈیلی اردو/نیوز ایجنسی) غزہ میں ایک سال کے دوران 266 فلسطینی مظاہرین شہید جب کہ 30 ہزار سے زائد افراد زخمی ہوئے۔
بین الاقوامی خبر رساں ادارے کے مطابق غزہ میں ایک سال کے دوران 266 فلسطینی مظاہرین شہید ہوئے ان میں 50 فلسطینی بچے، 6 عورتیں اور ایک بوڑھا مرد شامل ہے جبکہ محکمہ صحت کے 3 اہلکار اور 2 صحافی بھی احتجاجی مظاہروں کے دوران شہید ہوئے۔
فلسطین کی وزارت صحت نے اعدادو شمار جاری کرتے ہوئے بتایا ہے کہ اس دوران 30398 افراد زخمی ہوئے جن میں سے 16027 کو ہسپتال منتقل کیا گیا ان میں سے 536 شدید زخمی تھے۔
