اسلام آباد (ڈیلی اردو) برطانیہ سے فرار ہونے والا بچوں سے زیادتی کا اہم مجرم پاکستان میں گرفتار کر لیا گیا.
تفصیلات کے مطابق پاکستانی اور برطانوی اہلکاروں نے پنجاب کے ضلع ننکانہ صاحب کی تحصیل سانگلہ ہل میں مشترکہ آپریشن کیا، جس میں یہ گرفتاری عمل میں آئی۔
برطانوی ہائی کمیشن کے مطابق اخلاق حسین پر بچوں سے زیادتی کا الزام ہے، اخلاق حسین کو برطانوی عدالت 19سال قید کی سزا بھی سنا چکی ہے.
برطانوی ہائی کمیشن کے مطابق زیادتی کے ملزم چوہدری اخلاق حسین کو مشترکہ آپریشن میں گرفتار کیا گیا.
ٹرائل کے دوران اخلاق برطانیہ سے فرار ہو کر پاکستان آگیا تھا ، برطانوی ہائی کمیشن اخلاق حسین کی گرفتاری کے لئے2017 سے پاکستان کے ساتھ رابطہ میں تھا.
مجرم کی جائے پناہ کی نشان دہی کے بعد پاکستانی اور برطانوی اہل کاروں نے مشترکہ کارروائی کی اور مجرم کو گرفتار کیا، بچوں سے زیادہ کے مجرم کو برطانوی منتقل کرنے سے متعلق جلد اعلان متوقع ہے.
یاد رہے کہ گذشتہ برس قصور کی ننھی زینب کے زیادتی کے بعد قتل کے معاملے نے بین الاقوامی توجہ حاصل کی تھی۔ اس کیس میں شدید عوامی ردعمل آیا۔
حکومت نے بڑے پیمارے پر اقدامات کرتے ہوئے قصور سے زینب سمت سات بچیوں کے قاتل عمران کو گرفتار کیا، جسے بعد ازاں سزائے موت سنائی گئی۔
