لاہور (ڈیلی اردو) صدر مسلم لیگ ن اور سابق وزیر اعلیٰ پنجاب شہباز شریف نے نیب کی زیر حراست اپنے بیٹے حمزہ شہباز، بھتیجی مریم نواز اور بھتیجے یوسف عباس سے ملاقاتیں کیں اور انھیں عید کی مبارکباد دی۔
منی لانڈرنگ کے مختلف کیسز میں نیب لاہور کے زیر حراست اپوزیشن لیڈر پنجاب اسمبلی حمزہ شہباز، نائب صدر مسلم لیگ ن مریم نواز اور بھتیجے یوسف عباس شریف کو عید کی مبارکباد دینے شہباز شریف نیب آفس پہنچے۔ ان کے ہمراہ مریم نواز کے شوہر کیپٹن (ر) صفدر اور مریم نواز کے بیٹے جنید صفدر بھی تھے۔
ذرائع کے مطابق شہباز شریف نے اپنے فیملی ممبران سے الگ الگ ملاقاتیں۔ شہباز شریف نیب میں چلنے والے مقدمات بارے قانونی لائحہ عمل بارے تینوں کو آگاہ کیا۔کشمیری بھائیوں کیساتھ پندرہ اگست کو مظفر آباد میں نکالی جانے والی ریلی کی تیاریوں بارے انھوں نے مریم نواز سے مشاورت کی۔ مریم نواز نے پندرہ اگست کو مظفر آّباد میں ریلی نکالنے کا اعلان کیا تھا۔ان کی گرفتاری کے بعد لیگی ذرائع کے مطابق اب ریلی قیادت شہباز شریف کریں گے۔
