اسلام آباد: پولیس اہلکاروں پر فائرنگ، 2 اہلکار زخمی، ملزمان گرفتار

اسلام آباد (ڈیلی اردو) اسلام آباد کے علاقے جی ایٹ ون میں پولیس اہلکاروں پر فائرنگ کی گئی ہے۔ فائرنگ سے دو اہلکار زخمی ہوگئے۔ پولیس جوانوں نے زخمی ہونے کے باوجود دونوں ملزمان کو پکڑ لیا۔

اسلام آباد کے سیکٹر جی ایٹ ون میں چیکنگ پر مامور پولیس اہلکاروں نے دو مشتبہ افراد کو چیکنگ کیلئے روکا تو انہوں نے فائرنگ کر دی جس سے دو پولیس اہلکار سب انسپکٹر اعجاز احمد اور کانسٹیبل بختیار احمد زخمی ہوگئے۔ پولیس اہلکاروں نے زخمی ہونے کے باوجود دونوں ملزمان کو پکڑ لیا جن کے قبضے سے دو تیس بور پستول برآمد ہوئے ہیں۔ دونوں زخمی پولیس اہلکاروں کو پمز اسپتال منتقل کر دیا گیا ہے جہاں ان کی حالت خطرے سے باہر ہے۔

ڈی آئی جی آپریشی وقار الدین سید نے پمز اسپتال میں زخمی پولیس اہلکاروں کی عیادت کی اور بہادری کا مظاہرہ کرنے پر خراج تحسین پیش کرنے کے ساتھ دونوں اہلکاروں کیلئے نقد انعام کا بھی اعلان کیا۔

اپنا تبصرہ بھیجیں