دبئی (ڈیلی اردو) قومی فاسٹ بالر حسن علی اور بھارتی دوشیزہ شامیہ آرزو شادی کے بندھن میں بندھ گئے۔ دونوں کا نکاح دبئی کے مقامی ہوٹل میں ہوا۔
قومی کرکٹر حسن علی اور شامیہ آرزو کے نکاح کی تقریب دبئی کے اٹلانٹس ہوٹل میں ہوئی جس میں کرکٹر شاداب خان سمیت دولہا، دلہن کے قریبی رشتے داروں نے شرکت کی۔ اس موقع پر حسن علی نے شیروانی اور دلہن نے سرخ عروسی جوڑا زیب تن کر رکھا تھا۔
شامیہ آرزو کا تعلق بھارت کے علاقے ہریانہ سے ہے اور وہ خلیجی ملک متحدہ عرب امارات کی ایئر لائن میں فلائٹ انجینئر ہیں۔ حسن علی کا ولیمہ کل دبئی میں ہوگا۔
