اسلام آباد (ڈیلی اردو) پاک چین اقتصادی راہداری کے تحت کراچی لاہور موٹروے کا ایک بڑا اور اہم حصہ سکھر۔ ملتان موٹروے مکمل ہونے کے بعد 6 گھنٹے کا سفر ساڑھے 3 گھنٹوں میں طے ہوگا۔
سی پیک اتھارٹی کے حکام کے مطابق چین کے تعاون سے 2 ارب 89 کروڑ ڈالر کی لاگت سے تیار ہونے والی 392 کلومیٹر طویل سڑک کو مقررہ مدت سے 2 ماہ پہلے مکمل کیا گیا ہے۔
حکام کا کہنا تھا کہ یہ پہلا منصوبہ ہے جو مقررہ مدت سے پہلے مکمل کرلیا گیا ہے، منصوبے کی تکمیل کے دوران امن و امان کے مسائل کا سامنا رہا، تاہم انہوں نے کہا کہ پاکستان آرمی، رینجرز اور پولیس کا خصوصی تحفظ فراہم کرنے پر حکومت پاکستان کے شکر گزار ہیں۔
