محرم الحرام: محکمہ داخلہ پنجاب نے بڑی پابندی لگادی

لاہور (ڈیلی اردو) محکمہ داخلہ پنجاب نے محرم الحرام کا جلوس دیکھنے پر پابندی لگادی اس حوالے سے نوٹیفکیشن بھی جاری کردیا گیا۔

محکمہ داخلہ پنجاب کی جانب سے جاری ہونے والے نوٹیفکیشن کے مطابق جلوس کے راستے میں چھتوں پر چار یا چار سے زائد افراد کے جمع ہو کر جلوس دیکھنے کے خلاف دفعہ 144 نافذ کر دی گئی ہے۔

محکمہ داخلہ نے پنجاب پولیس کو حکم دیا گیا ہے کہ جہاں کہیں مکانوں اور گھروں کی چھتوں پر چار یا چار سے زائد افراد اکٹھے کھڑے ہوں ان کے خلاف مقدمات درج کیے جائیں۔

واضح رہے کہ محکمہ داخلہ پہلے ہی محرم کے جلوس اور مجلس کے علاوہ چار یا چار سے زائد افراد کے کھڑے ہونے پر پابندی عائد کر چکا ہے۔

Facebook Notice for EU! You need to login to view and post FB Comments!

اس خبر پر اپنی رائے کا اظہار کریں

اپنا تبصرہ بھیجیں