مقبوضہ کشمیر: بڈگام میں عزادار کرفیو توڑ کر سڑکوں پر نکل آئے، بھارتی فوج کا جلوس پر فائرنگ، متعدد زخمی

سری نگر (ڈیلی اردو) مقبوضہ کشمیر کے شیعہ اکثریتی قصبہ بڈگام میں جمعہ کے روز سے محرم الحرام کے ماتمی جلوس برآمد ہونے کا سلسلہ شروع ہونا تھا اور ضلع انتظامیہ نے قصبہ میں ماتمی جلوس برآمد کرنے پر پابندی عائد کی تاہم عزاداروں نے پابندیوں کو توڑتے ہوئے کرفیو کے باوجود ماتمی جلوس نکالااور عزاداری کی۔

غیر ملکی صحافی کا کہنا ہے کہ بھارتی سیکیورٹی اہلکاروں نے عزاداران امام حسین علیہ السلام پر براہ راست فائرنگ اور آنسوگیس کے گولے پھینکے جس سے متعدد عزاداری زخمی ہوگئے ہیں۔ مقامی فوٹو گرافر کو بھی تشدد کا نشانہ بنایا گیا۔

دوسری جانب انجمن شرعی شیعیان جموں وکشمیر کے صدر علامہ سید حسن الموسوی الصفوی 4 اگست سے مسلسل نظر بند ہیں جس کے باعث مرکزی امام بارگاہ بڈگام میں سالہاسال سے جاری روایتی و قدیم عشرہ مجالس کا سلسلہ متاثر ہوکر رہ گیا ہے۔

Facebook Notice for EU! You need to login to view and post FB Comments!

اس خبر پر اپنی رائے کا اظہار کریں

اپنا تبصرہ بھیجیں