ملتان (ڈیلی اردو) ملتان پولیس نے بغیر اجازت سیکورٹی برانچ اور متعلقہ تھانوں کو اطلاع کئیے بغیر مجالس منعقد کرانے پر پچاس افراد کے خلاف مقدمات درج کر کے کارروائی شروع کر دی۔
پولیس جلیل آباد نے علی رضا سمیت 50 نامعلوم افراد، پولیس صدر شجاعباد نے نسیم اور محمد حسن، جبکہ پولیس بی زیڈ نے صغیر اور ظہیر پر مقدمات درج کئے ہیں جنہوں نے پولیس کی اجازت کے بغیر تقریبات منعقد کیں۔ پولیس کے مطابق مقدمات میں نامزد افراد کو جلد گرفتار کر لیا جائے گا۔
