کابل (ڈیلی اردو/نیوز ایجنسیاں) امریکا کے فضائی حملے کی مدد سے افغان سیکیورٹی فورسز نے طالبان کے 3 صوبائی شیڈو گورنر ہلاک کردئیے۔ ادھر پکتیکا صوبے کے جنوبی علاقے میں مشترکہ زمینی و فضائی آپریشن کے درمیان تقریباً 85 جنگجو ہلاک ہوگئے۔
دوسری جانب شمالی صوبے سمنگان میں مسلح گروہ اور افغان فورسز کے درمیان جھڑپ میں ہوئی، جہاں ضلع درہ صوف پائیں میں فضائی حملے کے دوران طالبان کے شیڈو صوبائی گورنر مولوی نور الدین کو دیگر 4 جنگجوؤں سمیت ہلاک کردیا گیا، ایک علیحدہ واقعے میں مغربی صوبے فراہ کے ضلع انار درہ میں افغانستان اور بیرون ممالک کی سیکیورٹی فورسز کے مشترکہ آپریشن کے دوران صوبائی گورنر ملا سید عظیم ہلاک ہوگئے۔ سید عظیم کو دیگر 34 جنگجوؤں کے ہمراہ انار درہ میں ہلاک کیا گیا۔
35 Taliban terrorists killed during ANDSF joint clearance operation backed by AAF in Anar Dara District of Farah. Sayed Azim, Taliban shadow district governor for Anar Dara District was among those killed.
Read More: https://t.co/qI8cJFpTCe pic.twitter.com/Q702ckaAX5— Ministry of Interior Affairs- Afghanistan (@moiafghanistan) September 15, 2019
غیرملکی خبررساں ادارے کے مطابق کابل کے سینئر سیکیورٹی عہدیدار کا کہنا تھا کہ امریکا کے فضائی حملے کی مدد سے افغان سیکیورٹی فورسز نے طالبان کے دو صوبائی خودساختہ گورنر ہلاک کردئیے۔ آپریشن کا مقصد افغان فورسز پر طالبان کے حملے کے منصوبے کو ناکام بنانا تھا۔
علاوہ ازیں وزارت دفاع نے بیان جاری کرتے ہوئے کہا کہ پکتیکا صوبے کے جنوبی علاقے میں مشترکہ زمینی و فضائی آپریشن کے درمیان تقریباً 90 جنگجو ہلاک ہوگئے۔ تاہم طالبان کی جانب سے یہ اعداد و شمار مسترد کردیے گئے اور کہا گیاکہ ان کے 7 جنگجو ہلاک ہوئے اور 77 زخمی ہوئے جبکہ سیکیورٹی فورسز کے 20 اہلکار شہید ہوئے۔
90 Taliban terrorists killed in an encounter with ANDSF in Warmami District of Paktika. During the clash, Taliban’s major stronghold and warehouse of explosive materials, vehicles and military equipment destroyed.
Read More: https://t.co/UtGaW1YOf9 pic.twitter.com/5nAJ3erusn— Ministry of Interior Affairs- Afghanistan (@moiafghanistan) September 16, 2019
طالبان کے ترجمان ذبیح اللہ مجاہد کا کہنا تھا کہ اس کے علاوہ دیگر دعوے بے بنیاد ہیں۔
ادھر مقامی حکام کا کہنا تھا کہ شمالی صوبے سمنگان میں مسلح گروہ اور افغان فورسز کے درمیان جھڑپ میں ہوئی، جہاں ضلع درہ صوف پائیں میں فضائی حملے کے دوران طالبان کے شیڈو (خود ساختہ) صوبائی گورنر مولوی نورالدین کو دیگر 4 جنگجوؤں سمیت ہلاک کردیا گیا۔
Taliban shadow Governor for Samangan province killed in an air strike.
Earlier today, the Taliban shadow Governor for Samangan province, Mawlawi Nooruddin, and 4 other terrorists were killed in an air strike in Dara-e-Soof district of Samangan province.— Ministry of Defense, Afghanistan (@MoDAfghanistan) September 15, 2019
طالبان جنہوں نے افغان حکومت سے علیحدہ متوازی صوبائی گورننس نظام قائم کیا ہوا ہے، انہوں نے گورنر کی ہلاکت کی تردید کی تھی اور ترجمان ذبیح اللہ مجاہد نے کہا تھا کہ نورالدین زندہ ہیں۔
ایک علیحدہ واقعے میں مغربی صوبے فراہ کے ضلع انار درہ میں افغانستان اور بیرون ممالک کی سیکیورٹی فورسز کے مشترکہ آپریشن کے دوران صوبائی گورنر ملا سید عظیم ہلاک ہوگئے۔
صوبائی پولیس ترجمان محب اللہ محب کا کہنا تھا کہ سید عظیم کو دیگر 34 جنگجوؤں کے ہمراہ انار درہ میں ہلاک کیا گیا۔
واضح رہے کہ ڈونلڈ ٹرمپ کے طالبان کے ساتھ امریکی فوجیوں کے افغانستان کے انخلا سے متعلق مذاکرات کو منسوخ کرنے کے اعلان کے بعد سے جھڑپ میں اضافہ ہوا ہے۔ طالبان جو زیادہ تر افغانستان کی زمین پر کنٹرول رکھتے ہیں افغانستان سے غیر ملکی فوجیوں کا انخلا چاہتے ہیں۔
خیال رہے کہ افغانستان میں تقریباً 14 ہزار امریکی فوجی موجود ہیں جو نیٹو کی قیادت میں رزولٹ سپورٹ مشن کے تحت افغان فورسز کی تربیت کر رہے ہیں جبکہ ان کی جانب سے بغاوت کے خلاف آپریشنز بھی کیے جارہے ہیں۔
