لندن + اسلام آباد (ڈیلی اردو/ نیوز ایجنسی) برطانوی شہزادہ ولیم اور شہزادی کیٹ میڈلٹن 14 سے 18 اکتوبر تک پاکستان کا سرکاری دورہ کریں گے۔
شاہی محل نے جمعہ کو شاہی جوڑے کے دورہ پاکستان کا اعلان کر دیا۔
???????? The Duke and Duchess of Cambridge will attend a special event at the Aga Khan Centre on 2nd October, hosted by His Highness The Aga Khan.
The event falls ahead of TRH’s official visit to Pakistan, which will take place between 14th – 18th October. pic.twitter.com/fc0ZyuyLKs
— The Prince and Princess of Wales (@KensingtonRoyal) September 20, 2019
شاہی محل کی جانب سے جاری ٹویٹ میں اعلان کیا گیا ہے کہ برطانوی شاہی جوڑا 14 سے 18 اکتوبر تک سرکاری دورے پر پاکستان آئے گا۔ اس سلسلہ میں مزید تفصیلات بعد میں جاری کی جائیں گی۔
ترجمان دفتر خارجہ نے برطانوی شاہی جوڑے کے دورہ پاکستان کا خیرمقدم کرتے ہوئے کہا ہے کہ حکومت پاکستان اور پاکستانی عوام اگلے ماہ برطانوی شاہی جوڑے کے دورے کے شدت سے منتظر ہیں۔
Government and the people of Pakistan look forward to the visit of the Royal couple to Pakistan next month.
Pakistan and the UK enjoy deep and cordial relationship. The visit will provide yet another opportunity to further strengthen the bilateral relations.
— Ministry of Foreign Affairs – Pakistan (@ForeignOfficePk) September 20, 2019
انہوں نے کہا کہ پاکستان اور برطانیہ کے مابین گہرے اور خوشگوار تعلقات قائم ہیں اور یہ دورہ دوطرفہ تعلقات کو مزید مستحکم کرنے کا ایک اور موقع فراہم کرے گا۔
یہ بات قابل ذکر ہے کہ یہ شہزادہ ولیم اور کیٹ میڈلٹن کا پاکستان کا پہلا دورہ ہو گا تاہم شاہی خاندان کے دیگر افراد ماضی میں پاکستان کا دورہ کر چکے ہیں۔
شہزادہ ولیم کی والدہ پرنسز آف ویلز شہزادی ڈیانا نے ماضی میں پاکستان کا دورہ کیا تھا جبکہ برطانیہ کی ملکہ الزبتھ دوئم نے 1961ء اور 1997ء میں پاکستان کا دورہ کیا تھا۔ ان کے علاوہ پرنس آف ویلز شہزادہ چارلس اور ڈچز آف کارن وال 2006ء میں پاکستان آئے تھے۔
ملکہ برطانیہ بھی 2 بار پاکستان کا دورہ کر چکی ہیں۔
