انڈونیشیا کے جزائر ملوکو میں 6.5 درجہ شدت کا زلزلہ، 20 افراد جاں بحق، متعدد عمارتیں منہدم

جکارتہ (ڈیلی اردو) انڈونیشیا کے مشرقی جزائر ملوکو میں 6.5 درجہ شدت کے زلزلے کے جھٹکے محسوس کیے گئے ہیں ،زلزلے کے نتیجے میں ابتک 20 افراد جاں بحق اور درجنوں افراد زخمی ہوگئے ہیں۔

جزائر ملوکو کے شہر ایمبون میں زلزلہ جمعرات کی صبح مقامی وقت کے مطابق 8 بج کر 45 منٹ پر آیا جس کی شدت ریکٹر سکیل پر 6.5 یکارڈ کی گئی، مقامی سرچ اینڈ ریسکیو ایجنسی کے مطابق زلزلے کے باعث لینڈ سلائیڈنگ ہوئی اور گھروں کو بھی نقصانات پہنچے، زلزلے سے متعدد عمارتیں گر گئیں۔

فرانسیسی خبر رساں ادارے اے ایف پی کے مطابق زلزلے سے ابتک 20 افراد جاں بحق ہوگئے ہیں۔ تاہم مجموعی نقصانات کی حد کا فوری اندازہ نہیں لگایا جا سکا۔

انڈونیشی محکمہ موسمیات کے زلزلہ و سونامی ڈویژن کے سربراہ رحمت ٹریونو نے بتایا کہ زلزلے کے جھٹکے ایمبون کے گردونواح میں بھی محسوس کیے گئے جس کے بعد شہر میں 2 درجن تک آفٹر شاکس بھی آئے جن میں ایک کی شدت 5.6 ریکارڈ کی گئی۔

امریکا کے ارضیاتی سروے کے ادارہ نے بتایا کہ زلزلے کا مرکز ایمبن کے شمال مشرق میں 37 کلومیٹر کے فاصلے پر 29 کلومیٹر کی گہرائی میں تھا۔

اس خبر پر اپنی رائے کا اظہار کریں

اپنا تبصرہ بھیجیں