179

بلوچستان: ضلع خاران کے نواحی علاقے بنج سے نوجوان کی تشدد زدہ لاش برآمد

کوئٹہ (ڈیلی اردو ) بلوچستان ضلع خاران کے نواحی علاقے بنج سے نوجوان کی تشدد زدہ لاش برآمد

تفصیلات کے مطابق صوبائی دارالحکومت کوئٹہ سے تقریباً 300 کلو میٹر دور مشرق میں واقع ضلع جاران کے نواحی علاقے بنج سے لیویز فورس کو دوران گشت نامعلوم نوجوان کی تشدد زدہ لاش ملی جسے شناخت کے لئے مقامی ہسپتال منتقل کردیا گیا۔

بعدازاں لاش کی شناخت ادریس احمد قمبرانی ولد مرحوم حاجی محمد ایوب قمبرانی ساکن خاران سے ہوئی.

لاش پوسٹ مارٹم و دیگر ضروری کارروائی کے بعد ورثاء کے حوالے کردی گئی جبکہ مزید تحقیقات مقامی لیویز کر رہی ہے.

مقتول ڈاکٹر حاجی محمد انور قمبرانی اور محمد اشرف قمبرانی کا بھتیجا تھا جوکہ چند روز قبل لاپتہ ہوگیا تھا جسکی لاش آج بنج کے علاقے سے برآمد ہوئی ہے۔

مزید برآں مرحوم کی نماز جنازہ کل بروز منگل 5 فروری کو ادا کی جائے گی جبکہ تدفین بازار والے قبرستان خاران میں کی جائے گی۔

اس خبر پر اپنی رائے کا اظہار کریں

اپنا تبصرہ بھیجیں