سرینگر (ڈیلی اردو/نیوز ایجنسی) سری نگر کی مصروف ترین تجارتی مرکز ہری سنگھ ہائی اسٹریٹ میں نامعلوم افراد دستی بم پھینک کر فرار ہوگئے جس کے نتیجے میں ایک سکھ ہلاک اور پیرا ملٹری پولیس کے 3 اہلکاروں سمیت 34 افراد زخمی ہوگئے۔
کشمیر میڈیا سروس کے مطابق سری نگر کے مصروف ترین تجارتی مرکز ہری سنگھ ہائی اسٹریٹ میں دستی بم حملہ کیا گیا ہے، حملہ اس وقت کیا گیا جب مارکیٹ میں گاہکوں کا ہجوم تھا، حملے کی زد میں آ کر ایک شخص رانکو سنگھ ہلاک اور 34 زخمی ہوگئے، زخمیوں میں پیرا ملٹری پولیس فورس کے 3 اہلکار بھی شامل ہیں۔ اکتوبر کو اسی جگہ پر ہوئے ایک گرینیڈ حملے میں ایک خاتون سمیت 8 افراد زخمی ہوئے تھے۔ یاد رہے کہ گزشتہ 15 دنوں میں یہ تیسرا دستی بم حملہ ہے۔
CCTV footage of Grenade blast in Srinagar, Kashmir this afternoon. J&K Police says, 3 SSB personnel and 15 civilians injured. One Rinku singh of Saharanpur has succumbed. Two locals Aijaj and Fayaz Ahmed are critical. Police and Security Forces are taking follow up action. pic.twitter.com/nYpca51djN
— Aditya Raj Kaul (@AdityaRajKaul) November 4, 2019
سیکورٹی ذرائع نے صحافیوں کو بتایا کہ گرینیڈ حملے کے فوراً بعد سیکورٹی فورسز نے علاقے کو محاصرے میں لے کر سرچ آپریشن شروع کر دیا ہے تاہم حملہ آور فرار ہونے میں کامیاب ہوگئے۔
ریسکیو اداروں نے امدادی کاموں کا آغاز کرتے ہوئے ہلاک اور زخمی ہونے والوں کو قریبی سری نگر ہسپتال منتقل کیا جہاں 2 زخمیوں کی اعجاز اور فیاض احمد کی حالت نازک بتائی جارہی ہے جس کے باعث ہلاکتوں میں اضافے کا خدشہ ہے۔ ہلاک اور زخمی ہونے والوں کی شناخت ظاہر نہیں کی گئی۔
گزشتہ ماہ کی 28 تاریخ کو سوپور میں بس اسٹینڈ پر ہونے والے گرنیڈ حملے میں 20 شہری زخمی ہوگئے تھے، 12 اکتوبر کو ایک مارکیٹ پر گرنیڈ حملے میں 5 افراد زخمی ہوگئے تھے۔ اس کے علاوہ 26 ستمبر کو سینٹرل ریزرو پولیس فورس پر ہونے والے گرنیڈ حملے میں 6 اہلکار زخمی ہوئے تھے۔
