1,419

پاراچنار: دل دہلانے والا واقعہ، پیواڑ میں 5 سالہ بچی زیادتی کے بعد قتل

پاراچنار (محمد صادق) خیبر پختونخوا کے قبائلی ضلع کرم کے سرحدی علاقے پیواڑ میں درندہ صفت قاتل نے پانچ سالہ بچی گل سکینہ کو ہوس کا نشانہ بنانے کے بعد قتل کردیا۔ والدین نے قاتلوں کی فوری گرفتاری اور پھانسی پر لٹکانے کا مطالبہ کیا ہے۔

تفصیلات کے مطابق ضلع کرم کے سرحدی علاقے پیواڑ غنڈیخیل سے تعلق رکھنے والے 60 سالہ قبائلی گل علی نے میڈیا کو بتایا کہ ان کی نواسی پانچ سالہ گل سکینہ گاؤں کے سرکاری سکول کے پہلی جماعت میں پڑھ رہی تھی، گذشتہ روز معمول کے مطابق جب سکول سے گھر واپس نہیں آئی تو ہم نے بچی کی تلاش شروع کردی۔ کئی گھنٹے تلاش کے بعد بچی کی لاش پانی کے ایک چھوٹے تالاب سے برآمد ہوئی۔ بچی کی لاش ڈسٹرکٹ ہیڈ کوارٹر ہسپتال پاراچنار پہنچا دیا گیا جہاں پر میڈیکل رپورٹ سے معلوم ہوا کہ بچی کو زیادتی کا نشانہ بنایا گیا ہے۔

ڈاکٹروں کے مطابق بچی کے جسم پر کہیں پر زخم کے نشان نہیں ہے بچی کے والد وارث علی فرنٹیئر کور میں لانس نائیک کی حیثیت سے خدمات انجام دے رہے ہیں اور بچی کی والدہ کا انتقال چار سال پہلے ہوا تھا۔ والدہ کی انتقال کے بعد دادی بچی کی پرورش کررہی تھی۔ اس دلخراش واقعے کے بعد بچی کی دادی کومہ میں چلی گئی ہے۔ بچی کے دادا گل علی اور رشتہ دار سردار علی نے مطالبہ کیا کہ اس واقعے کا مقامی انتظامیہ پولیس اور چیف جسٹس اور پاک فوج فوری طور نوٹس لیں اور واقعے کے حوالے سے تحقیقات کرکے کیس میں ملوث عناصر کو کیفر کردار تک پہنچائے۔

دوسری جانب ڈی پی او ضلع کرم رحیم شاہ کا کہنا ہے کہ واقعے کے بعد سکول کے دو چوکیدار شک کی بنیاد پر گرفتار کرلئے اور واقعے کے حوالے سے تحقیقات جاری ہیں۔

اس خبر پر اپنی رائے کا اظہار کریں

اپنا تبصرہ بھیجیں