روس آواز کی رفتار سے تیز مار کرنیوالے ایٹمی ہتھیار نصب کرنیوالا دنیا کا واحد ملک بن گیا ہے: صدر پیوٹن

ماسکو (ڈیلی اردو) روسی صدر ولادی میر پیوٹن نے کہا ہے کہ روس آواز کی رفتار سے تیز مار کرنے والے ایٹمی ہتھیار نصب کرنے والا دنیا کا واحد ملک بن گیا ہے۔

اعلیٰ فوجی حکام کے ایک اجلاس میں اظہار خیال کرتے ہوئے انہوں نے کہا کہ تاریخ میں پہلی مرتبہ روس نے ماضی کے مقابلے میں نئی قسم کے ایٹمی ہتھیاروں کی تیار ی میں سبقت حاصل کی ہے۔

ولادی میرپیوٹن نے کہا کہ نئے ایٹمی ہتھیاروں کی پہلی کھیپ رواں ماہ نصب کی جائے گی جبکہ فضا میں مار کرنے والے Kinzhal ہائپر سونک میزائل کا پہلے ہی تجربہ کیا جا چکا ہے۔

صدر پیوٹن نے کہا کہ آواز کی رفتار سے دس گناہ زائد رفتار سے اڑنے والا یہ میزائل دو ہزار کلومیٹر سے زائد فاصلے تک ہدف کو نشانہ بنانے اور ایٹمی یا روایتی ہتھیار لیجانے کی صلاحیت رکھتا ہے۔

اس خبر پر اپنی رائے کا اظہار کریں

اپنا تبصرہ بھیجیں