بھارت: مہاراشٹر میں فوجی مشق کے دوران حادثے میں 2 بھارتی فوجی ہلاک، 5 زخمی

نئی دہلی (ڈیلی اردو) بھارت میں ’ملٹری ٹریننگ‘ کے دوران پیش آنے والے ایک حادثے میں 2 فوجی اہلکار ہلاک اور 5 زخمی ہوگئے۔

بھارتی نیوز ایجنسی اے این آئی کے مطابق ریاست مہاشٹرا کے شہر پونے میں واقع کالج آف ملٹری انجینئرنگ میں جمعرات کے روز پل گرنے سے دو فوجی ہلاک ہوگئے۔

رپورٹ میں الیکٹرانکس اینڈ میکینیکل انجینئرنگ کور سے تعلق رکھنے والے فوجی اپنی ڈیوٹی دے رہے تھے کہ اسی دوران حادثہ پیش آیا، جس میں‌ فوجی زخمی ہوئے جنہیں‌ ملٹری ہسپتال منتقل کیا گیا۔

سرکاری حکام کے مطابق زخمی ہونے والے 5 فوجیوں میں سے دو کی حالت تشویشناک ہے کیونکہ اُن کے سر پر گہری چوٹیں آئیں۔

بھارتی میڈیا کے مطابق کالج میں بھارتی فوج میں بھرتی ہونے والے نئے اہلکاروں کو تربیت دی جاتی ہے۔ ہلاک ہونے والے دونوں اہلکاروں کی لاشوں کو قانونی کارروائی کے بعد اہل خانہ کے حوالے کردیا گیا۔

اپنا تبصرہ بھیجیں