لاہور: سیشن کورٹ کے باہر فائرنگ، پسند کی شادی کرنے والا نوجوان قتل

لاہور (ویب ڈیسک) پنجاب کے صوبائی دارالحکومت لاہور کی سیشن عدالت کے باہر فائرنگ کا ایک اور واقعہ پیش آیا ہے جس میں ایک شخص جاں بحق ہوگیا۔

رپورٹ کے مطابق جاں بحق ہونے والا شخص پسند کی شادی کے کیس میں پیشی پر سیشن کورٹ آیا تھا، جہاں نامعلوم موٹر سائیکل سواروں نے اس پر فائرنگ کردی۔

نامعلوم افراد فائرنگ کرکے موقع سے فرار ہونے میں کامیاب ہوگئے جبکہ فائرنگ کے نتیجے میں مذکورہ شخص جاں بحق ہوگیا۔

عدالت کے باہر فائرنگ سے ہلاک ہونے والے شخص کی شناخت بلال عظیم کے نام سے ہوئی ہے۔

خیال رہے کہ بلال عظیم نے ایک ماہ قبل پسند کی شادی کی تھی اور لڑکی کے والدین نے ان پر تھانہ مغل پورہ میں مقدمہ درج کروا رکھا تھا۔

رپورٹ کے مطابق بلال عظیم عبوری ضمانت حاصل کرنے کے لیے سیشن کورٹ آیا تھا۔

یاد رہے کہ یہ پہلا واقعہ نہیں کہ عدالت میں ملزمان کی جانب سے فائرنگ کی گئی، اس سے قبل بھی ڈسٹرکٹ اینڈ سیشن کورٹ میں فائرنگ کے مختلف واقعات رونما ہوچکے ہیں۔

پولیس نے مقتول کی لاش کو پوسٹ مارٹم کے لیے بھجوا کر قتل کا مقدمہ درج کرلیا۔

دوسری جانب ملزمان کی تلاش شروع کردی گئی۔

اپنا تبصرہ بھیجیں