افغانستان: صوبہ لغمان میں افغان فضائیہ کے حملے میں شیڈو گورنر سمیت 21 طالبان ہلاک

کابل (ڈیلی اردو) افغانستان کے صوبے لغمان میں فورسز کے فضائی حملے، شیڈو گورنر سمیت 21 طالبان ہلاک اور 5 زخمی ہوگئے۔

افغان وزارت دفاع کے مطابق افغانستان کے مشرقی صوبہ لغمان میں افغان فضائی کے حملوں میں طالبان کے شیڈو گورنر سمیت 21 طالبان ہلاک جبکہ صوبہ لغمان کے دارالحکومت مہترلام میں کارروائی کے دوران 5 طالبان زخمی ہو گئے۔

افغان وزارت دفاع نے جمعہ کو جاری کردہ بیان میں تصدیق کی کہ افغان فضائی فورسز نے طالبان کے خلاف تازہ کارروائی کے دوران گزشتہ رات کو صوبہ لغمان کے ضلع علی شنگ میں فضائی حملے کیے جس کے نتیجے میں لغمان میں طالبان کے شیڈو گورنر سمیت 21 طالبان مارے گئے جبکہ صوبہ لغمان کے دارالحکومت مہترلام میں کارروائی کے دوران 5 طالبان زخمی ہو گئے۔

ہلاک ہونے والے میں طالبان کے شیڈو گورنر زین العابدین، کمانڈر قاری صبور، کمانڈر قاری ثاقب، کمانڈر جنت گل، کمانڈر قاری معراج، کمانڈر احمد شاہ، قاری انحر گل، قاری محراب، حاجی احمد شاہ، قاری ابراہیم، فضل ربیع، گلاب، ملنگ وغیرہ شامل ہیں

طالبان نے ابھی تک اس پر کوئی تبصرہ نہیں کیا۔

اس خبر پر اپنی رائے کا اظہار کریں

اپنا تبصرہ بھیجیں