اسلام آباد: جناح سپر مارکیٹ میں سلنڈر دھماکا، 13 افراد زخمی

اسلام آباد (ڈیلی اردو) وفاقی دارالحکومت اسلام آباد کے جناح سپر مارکیٹ کے ایک ریسٹورنٹ میں سلنڈر دھماکے کے نتیجے میں 13 افراد جھلس گئے، جنہیں ہسپتال منتقل کردیا گیا۔

ریسکیو حکام کا کہنا ہے کہ ریسٹورنٹ میں دھماکہ گیس لیکج کے باعث ہوا۔ دھماکہ اتنا شدید تھا کہ قریبی دکانوں کے شیشے ٹوٹ گئے۔

واقعے میں 13 افراد جھلس کر زخمی ہوئے ہیں جنہیں پمز ہسپتال منتقل کردیا گیا ہے، فائر بریگیڈ نے ریسٹورنٹ میں لگنے والی آگ پر قابو پالیا ہے۔

اس خبر پر اپنی رائے کا اظہار کریں

اپنا تبصرہ بھیجیں