ڈی آئی خان (توقیر حسین زیدی) خیبر پختونخوا پولیس کے شہداء اور پولیس فورس کو سوشل میڈیا پر گالم گلوچ کرنے پر پولیس نے دو افراد کو گرفتار کرلیا۔
تفصیلات کے مطابق گذشتہ چند دنوں سے مختلف سوشل میڈیا پر پولیس کے حوالے سے ہونے والی پوسٹنگ پر باسط اور رزاق نامی شہری دھر لئے گئے۔
پولیس کے مطابق مذکورہ بالا اشخاص مسلسل دو دنوں سے پولیس کے جوانوں اور پولیس شہداء کے خلاف نازیبا الفاظ اور کالم گلوچ کر رہے تھے جس کی شکایت ڈسٹرکٹ پولیس آفیسر حافظ واحد محود کو ہوئی جنہوں نے فوری کارروائی کے لئے ایس ایچ او کینٹ محمد نواز، ایڈیشنل ایس ایچ او انیس الحسن اور انچارج ڈی ایس بی برانچ سمیع اللہ ساہی کو نامزد کیا جنہوں نے فوری عملدآمد کرتے ہوئے باسط اور رزاق نامی شہریوں کو گرفتار کر کے رپورٹ درج کی۔ جس کے بعد مزید کارروائی کے لئے انہیں تھانہ سائبر کرائم کے حوالے کیا جا رہا ہے۔
