خیبر پختونخوا: بونیر میں 10 سالہ بچی کو اغوا کے بعد ذبح کردیا گیا

بونیر (ڈیلی اردو/ٹی این این) صوبہ خیبر پختونخوا کے ضلع بونیر کے دور افتادہ علاقہ چغرزئی کے گاؤں بیل گہ سے 10 سالہ بچی کی زبح شدہ نعش برآمد ہوئی ہے۔

مقتولہ خالدہ کے بھائی ذاکر اللہ کے مطابق کل شام تک اُس کی بہن گھر پر تھی، کسی کام کی غرض سے باہر نکل کر لاپتہ ہوگئی، تلاش کے دوران عشاء کی نماز کے بعد قریبی کھیتوں سے اُس کی نعش برآمد ہوئی جسے نامعلوم ملزمان نے ذبح کردیا تھا۔

پولیس نے مقدمہ درج کر کے مزید تفتیش شروع کر دی ہے جس کے دوران متعدد مشتبہ افراد کو گرفتار کرلیا گیا ہے۔

پولیس کا کہنا ہے کہ پوسٹ مارٹم رپورٹ موصول ہونے کے بعد اصل حقائق سامنے آجائیں گے۔

اس خبر پر اپنی رائے کا اظہار کریں

اپنا تبصرہ بھیجیں