ظفر اقبال ملک نئے سیکریٹری الیکشن کمیشن تعینات، نوٹیفکیشن جاری

اسلام آباد (ڈیلی اردو) سیکریٹری الیکشن کمیشن بابر یعقوب کی امیدوں پر پانی پھر گیا۔ مدت ملازمت میں توسیع کی کوششیں بے سود ثابت ہوئیں۔

سیکرٹری الیکشن کمیشن بابر یعقوب کی مدت ملازمت کل شب پوری ہوجائے گی۔ مدت ملازمت میں توسیع کے لیے بابر یعقوب نے بھرپور کوششیں کی مگر وہ ناکام رہے۔ قائم مقام چیف الیکشن کمشنر نے بابر یعقوب کی مدت ملازمت میں توسیع سے انکار کرتے ہوئے الیکشن کمشنر پنجاب ظفر اقبال کو سیکریٹری الیکشن کمیشن مقرر کر دیا ہے۔

بابر یعقوب ساڑھے 4 سال تک سیکریٹری الیکشن کمیشن رہے۔ قائم مقام چیف الیکشن کمشنر کی جانب سے منظوری کے بعد ظفر اقبال کے بطور سیکریٹری الیکشن کمیشن تعیناتی کا نوٹیفکیشن جاری کردیا گیا ہے، ظفر اقبال یکم جنوری سے اپنے عہدے کا چارج سنبھالیں گے۔

ذرائع کا کہنا ہے کہ مستقل چیف الیکشن کمشنر کی تعیناتی تک قائم مقائم چیف الیکشن کمیشن ادارے کے انتظامی امور کا نگراں ہوتا ہے اور وہ تقرریوں و تبادلے کے لیے مکمل اختیار رکھتا ہے۔

اس خبر پر اپنی رائے کا اظہار کریں

اپنا تبصرہ بھیجیں