اسلام آباد (ڈیلی اردو) قائم مقام اسپیکر قاسم خان سوری کی صدارت میں ہاؤس بزنس ایڈوائزری کمیٹی کا اجلاس ہوا۔ اجلاس میں موجودہ اجلاس دس جنوری تک جاری رکھنے پر اتفاق کرلیا گیا۔
قائم مقام اسپیکر قاسم خان سوری کی زیرصدارت اجلاس میں قومی اسمبلی کے 18ویں اجلاس کے ایجنڈے اور دورانیے پر تبادلہ خیال کیا گیا، جبکہ قومی اسمبلی کا موجودہ اجلاس 10 جنوری تک جاری رکھنے پر اتفاق کرلیا گیا۔
قائم مقام اسپیکر قاسم خان سوری کی صدارت میں ہاؤس بزنس ایڈوائزری کمیٹی کا اجلاس منعقد۔
کمیٹی اجلاس میں قومی اسمبلی کے 18ویں اجلاس کے ایجنڈا اور دورانیہ پر تبادلہ خیال۔کمیٹی اجلاس میں قومی اسمبلی کے موجودہ اجلاس کو 10جنوری تک جاری رکھنے پر اتفاق.#NASession #NAatwork pic.twitter.com/1GfTaFIziV
— National Assembly of Pakistan (@NAofPakistan) January 1, 2020
ذرائع کے مطابق آرمی ایکٹ میں ترمیم کردی گئی جس کے بعد آرمی چیف کی مدت ملازمت میں تین سال تک کی توسیع کی جا سکے گی۔
وزیراعظم کی صوابدید ہوگی کہ آرمی چیف کی مدت ملازمت میں 3 سال تک توسیع کی ایڈوائس کر سکیں گے۔
ذرائع کا کہنا ہے کہ آرمی چیف کی مدت ملازمت میں توسیع کیلئے آرمی ایکٹ کے سیکشن 172 میں ترمیم کی گئی ہے۔
آرمی ایکٹ میں ترمیم کی روشنی میں سروسز رولز کی دفعہ 155 میں ترمیم کی منظوری بھی دی گئی۔
ذرائع کا مزید کہنا ہے کہ آرمی ایکٹ میں ترمیم کا بل جمعے کو قومی اسمبلی میں پیش کیا جائے گا۔ کل اپوزیشن کو آرمی ایکٹ میں ترمیم کا مسودہ دیا جائے گا۔