تائیوان: فوجی ہیلی کاپٹر گر کر تباہ، آرمی چیف سمیت 8 جنرلز ہلاک

تائپے (ڈیلی اردو) تائیوان کا فوجی ہیلی کاپٹر پہاڑی علاقے میں گر کر تباہ ہوگیا، حادثے میں تائیوان فوج کے آرمی چیف اور ائیر چیف سمیت دیگر جنرلز ہلاک ہوگئے۔

عسکری ترجمان کے مطابق حادثے کا شکار ہونیوالے ہیلی کاپٹر پر 13 افراد سوار تھے، جن میں سے 5 افراد کو زندہ بچا لیا گیا۔

غیر ملکی میڈیا کے مطابق تائیوان کے وزارت دفاع نے کہا ہے کہ ہیلی کاپٹر میں سوار 13 میں سے 5 افراد کو بچا لیا گیا، فوجی ہیلی کاپٹر نے ایوی ایشن سے رابطہ منقطع ہونے کے بعد ایمرجنسی لینڈنگ کی تھی، ہیلی کاپٹر تائی پے سے شمال مشرقی شہر یلان جا رہا تھا۔

فرانسیسی خبررساں ایجنسی اے ایف پی کے مطابق جمعرات کی صبح بلیک ہاک ہیلی کاپٹر یو ایچ 60 ایم تائپے کے قریب پہاڑی علاقے میں ہنگامی لینڈنگ کے بعد لاپتہ ہوگیا تھا۔

ہیلی کاپٹر میں 13 افراد سوار تھے جن میں تائیوان آرمی چیف اور فضائیہ کے جنرل شین یی منگ بھی شامل تھے۔ حادثے میں ہیلی کاپٹر میں سوار 5 افراد کو بچا لیا گیا ہے۔

واقعہ ایک ایسے وقت میں پیش آیا ہے جب آئرلینڈ میں صدارتی انتخابات ہونے جارہے ہیں۔ حادثے میں چیف آف جنرل سٹاف شین یی منگ سمیت آٹھ سینیئر افسران ہلاک ہوگئے ہیں جن میں تین میجر جنرلز شامل ہیں۔

ہیلی کاپٹر تائی پے کے ایک پہاڑی علاقے میں تباہ ہوا، جس میں سوار 62 سالہ چیف آف جنرل اسٹاف متعدد اعلیٰ فوجی حکام کے ہم راہ نئے سال کی تقریبات میں شرکت کے لیے روٹین مشن پر یلان جا رہے تھے۔

ایئر فورس کمانڈر کے مطابق ہیلی کاپٹر اڑان بھرنے کے 15 منٹ بعد ریڈار سے غائب ہوگیا، وزارت دفاع نے واقعے کی تحقیقات کے لیے ٹاسک فورس بھی تشکیل دے دی ہے۔

اس خبر پر اپنی رائے کا اظہار کریں

اپنا تبصرہ بھیجیں