ابوظہبی کے ولی عہد محمد بن زید النہیان کی وزیراعظم عمران خان سے ملاقات

اسلام آباد (ڈیلی اردو) ابوظہبی کے ولی عہد محمد بن زید النہیان نے وزیر اعظم عمران خان سے ملاقات کی، جس میں تجارتی اور برادرانہ تعلقات کو مضبوط بنانےاور علاقائی امن پرتبادلہ خیال کیا گیا۔

تفصیلات کے مطابق ابوظہبی کے ولی عہد اور متحدہ عرب امارات کی فوج کے نائب سپریم کمانڈر محمد بن زید النہیان ایک روزہ دورے پر پاکستان پہنچے، وزیراعظم عمران خان نے نور خان ایئر بیس پر ولی عہد کا استقبال کیا، جس کے بعد وزیراعظم خود گاڑی چلا کر معزز مہمان کو وزیراعظم ہاؤس لے کر پہنچے۔

محمد بن زید النہیان نے وزیر اعظم عمران خان سے ملاقات کی،اس دوران تجارتی اور برادرانہ تعلقات کو مضبوط بنانے کے علاوہ علاقائی امن پرتبادلہ خیال کیا گیا۔ محمد بن زید النہیان کو وزیر اعظم کی جانب سے ظہرانہ بھی دیا۔

ولی عہد محمد بن زید النہیان دورہ مکمل کرنے کے بعد اپنے وطن واپس روانہ ہوگئے۔

اس خبر پر اپنی رائے کا اظہار کریں

اپنا تبصرہ بھیجیں