کولمبو (ڈیلی اردو) سری لنکا کا فوجی طیارہ پہاڑی علاقے میں گر کر تباہ ہو گیا جس کے نتیجے میں 4 افسران ہلاک ہو گئے۔
فرانسیسی خبر رساں ادارے کے مطابق سری لنکن فوج کے ترجمان چندانہ وکر ماسنگھی نے بتایا کہ سری لنکا کا چینی ساختہ فوجی طیارہ وائے 12 جمعہ کو ویراویلہ فوجی اڈے سے رتملانہ جا رہا تھا کہ دارالحکومت کے مشرق میں 200 کلومیٹر کے فاصلے پر ہیپٹل کے مقام پر گر کر تباہ ہو گیا جس کے نتیجے میں جہاز میں سوار چاروں افسران ہلاک ہوگئے جبکہ جہاز میں 4 افراد سوار تھے۔
حادثے کی وجوہات جاننے کے لئے تحقیقات جاری ہیں۔
