ابو مہدی المہندس کا خون عراق میں امریکی فوج کی موجودگی کا جلد خاتمہ کرے گا: عراقی جنرل

بغداد (ڈیلی اردو) امریکی ڈرون حملے میں ایرانی جنرل قاسم سلیمانی اور عراقی کمانڈر جنرل ابو مہدی المہندس کی شہادت کے بعد عراقی فوج کو ہائی الرٹ کردیا گیا۔

عراقی فوج قیس الغزالی کے کمانڈر نے اپنی فوج کو ہائی الرٹ کیا ہے۔ اس بابت عراقی کمانڈر کا کہنا ہے کہ عراق میں امریکی فوج کی موجودگی کا جلد خاتمہ ہو گا، فوج آنے والی جنگ اور اس میں جیت کے لیے تیار ہو جائے۔

انہوں نے کہا کہ عراق کا کمانڈر ابو المہدی کا خون عراق میں امریکی فوج کی موجودگی کا جلد خاتمہ کرے گا۔

دوسری جانب امریکہ نے اپنے شہریوں کو فوری طور پر عراق چھوڑنے کی ہدایت کر دی۔ امریکی ڈرون حملے میں ایرانی جنرل قاسم سلیمانی کی شہادت کے بعد شہریوں کے لیے یہ ہدایت جاری کی گئی۔ اسی تناظر میں بغداد میں امریکی سفارت خانے کی سیکیورٹی بھی سخت کر دی گئی۔

یاد رہے کہ آج علی الصبح امریکی صدر ڈونلڈ ٹرمپ کے حکم پر عراقی دارالحکومت بغداد کے ایئرپورٹ پر ڈرون حملے میں ایران کے جنرل قاسم سلیمانی سمیت 9 افراد شہید ہو گئے۔

غیر ملکی خبر رساں ادارے کے مطابق بغداد ایئرپورٹ پر ہونے والے فضائی حملے سے شہید ہونے والے افراد میں حزب اللہ کے خارجہ پالیسی کے انچارچ سامر عبداللہ، حزب اللہ کے کمانڈر نعیم قاسم، عراقی ملیشیا کا کمانڈر جنرل ابو مہدی المہندس اور عراقی فوج کے دو اہلکار بھی شامل ہیں۔

اپنا تبصرہ بھیجیں