لیبیا: طرابلس ہوائی اڈے پر فضائی حملے، 40 زیر تربیت کیڈٹ جاں بحق

طرابلس (ڈیلی اردو) لیبیا میں مٹیگا بین الاقوامی ایئر پورٹ پر فضائی حملے میں 40 سے زائد فوجی کیڈٹ جاں بحق ہوگئے۔

تفصیلات کے مطابق لیبیا کے دارالحکومت طرابلس کے قریب مٹیگا بین الاقوامی ہوائی اڈے پر فضائی حملے میں چالیس سے زیادہ فوجی کیڈٹ جاں بحق ہو گئے ہیں۔

مقامی میڈیا کے مطابق ایل این اے طیارے نے بمباری کی۔

سرکاری حکام کے مطابق کیڈٹس اپنے اپنے کمروں میں جانے کے لیے پریڈ گراؤنڈ میں جمع تھے کہ اسی دوران حکومت مخالف گروپ کی جانب سے فضائی بمباری کی گئی۔

لیبیا حکومت کے مطابق حملہ حکومت مخالف گروپ نے کیا جو اس سے قبل بھی اس طرح کی کارروائیوں میں ملوث رہا ہے تاہم مخالف گروپ نے حملے میں ملوث ہونے کی تردید کردی ہے۔

دوسری جانب وزارت صحت کا کہنا ہے کہ اسپتالوں میں صورتحال بہت خراب ہے، حملے کے باعث متاثرین کی شناخت میں بھی مشکلات کا سامنا ہے کیوں کہ زیادہ تر افراد حملے کے باعث جھلس گئے ہیں جب کہ زخمیوں کی حالت تشویشناک ہونے کے باعث ہلاکتوں میں اضافے کا بھی خدشہ ہے۔

اس خبر پر اپنی رائے کا اظہار کریں

اپنا تبصرہ بھیجیں