برطانیہ نے 2 جدید جنگی بیڑے مشرق وسطیٰ کی طرف روانہ کردیئے

لندن (ڈیلی اردو) برطانیہ نے 2 جدید جنگی جہاز مشرق وسطیٰ کی طرف روانہ کردیئے ہیں جو آبنائے ہرمز میں برطانوی تیل بردار جہازوں کی حفاظت کریں گے۔

برطانیہ کو بھی جنگ کا خدشہ ستانے لگا، برطانیہ نے مشرق وسطیٰ میں فوجی قوت بڑھانا شروع کردی، جدید ترین جنگی جہازوں ایچ ایم ایس مونٹروز اور ایچ ایم ایس ڈیفنڈر کو روانہ کردیا گیا، یہ جہاز آبنائے ہرمز میں برطانوی تیل بردار جہازوں کی حفاظت کریں گے۔

برطانوی جوہری آبدوز پہلے ہی علاقے میں موجود ہے جو ایک ہزار پونڈ وزنی ٹوماہاک میزائلوں سے لیس ہے۔

عراق میں موجود 400 سے زیادہ برطانوی فوجیوں کو فوری طور پر امریکا کے زیر کنٹرول بڑے فوجی اڈوں پر پہنچنے کی ہدایت کردی گئی ہے، ان فوجیوں کو بھاری ہتھیار بھی فراہم کیے جارہے ہیں۔

ادھر امریکا سے مشرق وسطیٰ میں ذمہ داریاں ادا کرنے والے امریکی فوجیوں کے لیے ساز و سامان بھجوایا جارہا ہے۔

اس خبر پر اپنی رائے کا اظہار کریں

اپنا تبصرہ بھیجیں