میانوالی (ڈیلی اردو) صوبہ پنجاب کے ضلع میانوالی میں اندوہناک واقعہ پیش آیا ہے، جہاں پاک فضائیہ کا تربیتی طیارہ گر کر تباہ ہوگیا ہے۔
ترجمان پاک فضائیہ نے تربیتی طیارہ گرنے کی تصدیق کرتے ہوئے بتایا کہ دونوں پائلٹ اسکواڈرن لیڈر حارث بن خالد اور فلائنگ آفیسر عبادالرحمان شہید ہوگئے ہیں۔
طیارہ معمول کی پرواز کے دوران میانوالی میں میانہ کوہ کے مقام پر گر کر تباہ ہوا، واقعہ کی وجوہات جاننے کے لیے ایئر ہیڈکوارٹرز نے ایک اعلی سطحی بورڈ تشکیل دے دیا ہے۔
