فلسطین: غزہ میں قاسم سلیمانی اور ابو مہدی المہندس کی یاد میں تقریب

غزہ (ڈیلی اردو) مقبوضہ فلسطین کی غزہ پٹی میں جمعرات کے روز مجاہد اسلام حاج قاسم سلیمانی و ابو مہدی مہندس اور ان کے رفقاء کی امریکی دہشت گردی کے نتیجہ میں شہادت پر ایک با وقار تقریب کا انعقاد کیا گیا۔ تقریب میں فلسطینی عوام اور فلسطینی اہم شخصیات نے شرکت کی۔

فلسطینیوں نے شہید قاسم سلیمانی کی مظلوم فلسطینی عوام کے لئے مسلسل جدوجہد اور خدمات کو سراہتے ہوئے ان کی شہادت پر امریکہ اور اسرائیل کی شدید مذمت کی۔

فلسطینیوں کا کہنا تھا کہ شہید قاسم سلیمانی فلسطینی عوام کے لئے مسیحا ہیں۔ انہوں نے ہمیشہ فلسطین کی صہیونیوں کے چنگل کی آزادی کی جدوجہد جاری رکھی۔ فلسطینی عوام شہید قاسم سلیمانی کو عالم اسلام کا ہیرو اور فلسطینیوں کا قائد تصور کرتی ہے۔ اس باوقار تقریب میں شہید قاسم سلیمانی کی بڑی بڑی تصویریں آویزاں کی گئی تھیں۔

فلسطینیوں نے اس موقع پر اس عزم کا اظہار کیا کہ شہید قاسم سلیمانی و ابو مہدی مہندس کی شہادت کا انتقام نہ صرف ایران اور عراق میں لیا جائے گا بلکہ فلسطینی عوام اور فلسطین کی مزاحمت اسرائیل سے بھی اس خون کا انتقام لے گی۔

نوجوانوں نے عہد کیا کہ شہید قاسم سلیمانی کے مشن القدس کی آزادی کی جدوجہد مزید قوت کے ساتھ جاری رہے گی۔ امریکہ اور اسرائیل کو فلسطین میں بد ترین شکست دے کر فلسطین کی آزادی اور قبلہ اوّل کی بازیابی سے شہید قاسم سلیمانی کے قتل کا انتقام لیا جائے گا۔

اپنا تبصرہ بھیجیں